Arloesi mewn Addysg ac Addysgu Heddiw
mewn cydweithrediad gyda Rhaglen Addysg Athrawon Scheller MIT
Ceisiadau ar gyfer Arloesi mewn Addysg ac Addysgu Heddiw 2024 nawr ar agor!
Arloesi & datblygu.
Cyfoethogi & grymuso.
Yn y gyfres hon o weithdai bydd carfan o addysgwyr sy’n frwd dros arloesi a datblygu eu crefft yn archwilio amrywiaeth o offer a thechnegau addysgu a all gyfoethogi ystafelloedd dosbarth a grymuso myfyrwyr. Ymhlith y pynciau i'w cwmpasu mae technolegau addysgol sy'n creu posibiliadau newydd ar gyfer dysgu, dulliau addysgu myfyriwr-ganolog sy'n meithrin creadigrwydd a meddwl dylunio, dulliau arall o asesu, a mwy.
Bydd y gweithdai’n cael eu cynnal gan Greg Schwanbeck, darlithydd Theori ac Ymarfer Addysgol yn Rhaglen Addysg Athrawon Scheller Sefydliad Technoleg Massachusetts, ac athro Ffiseg a Hyfforddwr Technoleg Addysgiadol yn Ysgol Uwchradd Westwood.
Amlinelliad o'r Rhaglen
Dyddiadau: Dydd Llun 15fed Ionawr - Dydd Llun 1af Ebrill 2024 (ac eithrio 12fed a 19eg Chwefror ar gyfer gwyliau'r DU ac UDA)
Amser: 8:00-9:00yh (ac eithrio 11eg, 18fed a 25ain Mawrth 7:00-8:00yh)
Lleoliad: Ar-lein/Zoom
Cliciwch yma i wneud cais ar gyfer Ionawr 2024
Bydd y pynciau’n cynnwys:
-
Addysg sy’n cael eu gyrru gan Ymholiadau.
-
Y Dull Modelu mewn Gwyddoniaeth, Mathemateg a Thu Hwnt.
-
Dysgu Seiliedig ar Brosiect: Dylunio a Gweithredu Profiadau go iawn.
-
Y Model SAMR a Thechnolegau sy’n Ailddiffinio'r Ystafell Ddosbarth.
-
Fframwaith ar gyfer Gwerthuso Technolegau Addysgol.
-
Ailfeddwl Gwaith Cartref a Fflipio'r Ystafell Ddosbarth.
Greg Schwanbeck, Darlithydd, Rhaglen Addysg Athrawon Scheller, MIT & Athro Ffiseg a Seryddiaeth, Massachussetts
“Rwyf wrth fy modd yn addysgu! Ar hyn o bryd, rwy'n gweithio yn Ysgol Uwchradd Westwood (Massachusetts) fel Athro Ffiseg a Seryddiaeth ac fel Hyfforddwr Technoleg Addysgiadol, gyda'r dasg o helpu fy nghydweithwyr i fanteisio ar raglen Chromebook 1-i-1 ein hardal. Rwyf hefyd yn Ddarlithydd ar gyfer Rhaglen Addysg Athrawon Scheller (STEP) Sefydliad Technoleg Massachusetts (MIT) lle rwy'n addysgu Theori ac Ymarfer Addysgol I, II, a III.
Rwy'n Gymrawd Athrawon Fulbright ar gyfer Ystafelloedd Dosbarth Byd-eang, yn dderbynnydd Gwobr Addysgu MIT Levitan, yn Addysgwr Nodedig Apple, yn Addysgwr Ardystiedig gan ISTE, yn Addysgwr Google, ac yn arweinydd rhanbarthol mewn darparu datblygiad proffesiynol sy'n canolbwyntio ar edtech. Mae fy nulliau addysgu a’m meddyliau ar dechnoleg addysgol wedi cael sylw cenedlaethol mewn cyhoeddiadau fel The Huffington Post, EdSurge, a’r llyfr American Teacher: Heroes in the Classroom gan Katrina Fried.
Enillais fy ngradd meistr trwy'r rhaglen Technoleg, Arloesedd ac Addysg ym Mhrifysgol Harvard ac enillais fy ngraddau baglor mewn Ffiseg a Mathemateg yng Ngholeg yr Undeb. Pan nad ydw i’n dysgu dwi’n mwynhau chwilio am antur gyda fy ngwraig anhygoel Keba a’n dau fab, Taylor a Thomas.”