MISTI Global Teaching Labs yng Nhymru
Pwerir a darperir gan Equal Education Partners
Ariennir gan Lywodraeth Cymru
Ein Cenhadaeth
Pryd? Dydd Llun 5 Ionawr - Dydd Mercher 28 Ionawr 2026
Ble? Mewn ysgolion a cholegau ar draws Cymru
Mae rhaglen MISTI Global Teaching Labs yng Nghymru yn rhaglen effeithiol a thrawsffurfiol unigryw, sydd yn dod â hyfforddwyr STEM arbenigol o Massachusetts Institute of Technology (MIT) i ystafelloedd dosbarth ac ystafelloedd staff ar draws Cymru.
Trwy'r fenter partneriaethiol hon, nod Llywodraeth Cymru, MIT ac Equal Education Partners yw i gynyddu ymgysylltiad â phynciau STEM trwy archwilio materion y byd go iawn ac i rymuso dysgwyr i ymdrechu i gyflawni eu potensial llawn yn yr ystafell ddosbarth a thu hwnt.
Ydych chi am i’ch ysgol gymryd rhan yn rhaglen MISTI Global Teaching Labs yng Nghymru 2026?
Mae ceisiadau'n agor ar ddydd Llun 8fed Medi 2025
Beth sydd ar gael?
Gweithdai STEM
Mae ein hyfforddwyr o MIT a phrifysgolion byd-eang gorau eraill yn cynnig amrywiaeth helaeth o wersi a gweithdai ar draws pob maes Gwyddoniaeth, Technoleg, Peirianneg a Mathemateg (STEM), gan ddarparu rhywbeth cyffrous ac effeithiol i ddisgyblion o bob grŵp oedran a lefel cyrhaeddiad. Mae ein gweithdai yn ymdrechu i ennyn diddordeb pob dysgwr. Gweler dogfen Cwricwlwm MISTI GTL Cymru am ragor o fanylion.
Prosiectau rhyngddisgyblaethol wedi’u teilwra
Byddwch yn greadigol! Gall ysgolion a cholegau weithio'n uniongyrchol gydag un neu fwy o'n hyfforddwyr i gyd-greu prosiectau wedi’u teilwra i chi, gan ddod â meysydd gwahanol STEM ynghyd ar gyfer eich disgyblion. Mae prosiectau’r gorffennol wedi cynnwys ‘The Rovi Porter Robotics Challenge’, ‘Powering a Sustainable Island’, ‘Building Earthquake-Proof Buildings’, ‘The Pompeii Project’ a ‘Rollercoaster Quadratics’. Dewch â'ch syniadau i ni a gadewch i ni weld beth allwn ni ei ddatblygu!
Tiwtora gwpiau bach ac un-i-un
Yn fwy nag erioed, mae angen cefnogaeth unigol neu gefnogaeth mewn grwpiau bach ar ddysgwyr, yn enwedig mewn meysydd allweddol fel Gwyddoniaeth a Mathemateg. Mae ein hyfforddwyr ar gael i gynorthwyo’ch disgyblion i ddal i fyny ac i gefnogi ymdrechion adfer eich sefydliad. Dynodwch y disgyblion sydd angen cefnogaeth, nodwch y meysydd rydych chi am i'n hyfforddwyr ffocysu arnynt a byddwn ni'n sicrhau bod eich dysgwyr yn derbyn yr hwb sydd eu hangen arnyn nhw.
Sesiynau Gwybodaeth, Cyngor ac Arweiniad a Dosbarthiadau Meistr
Mae rhaglen MISTI Global Teaching Labs yng Nghymru yn mynd y tu hwnt i agweddau llwyddiant academaidd eich myfyrwyr. Mae ein hyfforddwyr yn gweithredu fel adnodd ac fel modelau rôl i'ch myfyrwyr er mwyn ehangu eu gorwelion a gwella eu dyheadau. Mae sesiynau Gwybodaeth, Cyngor ac Arweiniad, digwyddiadau panel a dosbarthiadau meistr yn cynnwys pynciau megis Menywod mewn STEM, Menywod mewn Tech, Chwaraeon a STEM, Astudio pynciau STEM yn y brifysgol a Gyrfaoedd mewn STEM.
Dysgu Proffesiynol a Datblygu'r Cwricwlwm
Trwy raglen MISTI Global Teaching Labs yng Nghymru, gall athrawon STEM ac arweinwyr ysgolion a cholegau gweithio gyda hyfforddwyr MIT i wella cwricwlwm STEM eu hysgolion a’u colegau. Mae’r rhaglen hefyd yn cynnwys Rhaglen Dysgu Proffesiynol STEM ar gyfer athrawon yng Nghymru a ddarperir gan arbenigwyr o Raglen Addysg Athrawon Scheller (STEP) MIT.
Am ddigwyddiadau agored, gweler ein tudalen Digwyddiadau am fanylion. Ychwanegir digwyddiadau ar sail dreigl. Cymerwch ran i glywed mwy pan ychwanegir digwyddiadau.
Archwilio prifysgolion a chymorth gwneud cais am brifysgol
Yn aml, mae'n ofynnol i ymgeiswyr i raddau STEM gwblhau profion ac asesiadau ychwanegol. Mae rhaglen MISTI Global Teaching Labs yng Nghymru yn cefnogi'r rhai sy'n edrych i astudio pynciau STEM yn y brifysgol. Gadewch i ni wybod os oes gennych ddisgyblion sydd yn awyddus i wneud cais i gyrsiau STEM yn y brifysgol. Bydd ein hyfforddwyr yn eu cefnogi i lwyddo yn yr amgylchedd cystadleuol hwn.
Gwyliwch y fideo isod i glywed beth oedd gan ein hyfforddwyr, ysgolion a dysgwyr cyfranogol i'w ddweud am raglen MISTI GTL yng Nghymru Ionawr 2025.
"Mae'n brofiad mae'n rhaid i ni wneud eto. Mae'n amhrisiadwy rhywbeth fel hyn.”
— Ysgol Garth Olwg
“Mae GTL yng Nghymru yn brofiad gwirioneddol werthfawr i ddysgwyr ac i staff.”
— Coleg Sir Benfro
“Yn ystod rhai o'r sesiynau yma rydym ni wedi gweld disgyblion gwahanol yn dod allan o’u cragen ac yn disgleirio."
— Ysgol Bro Teifi
“Neges gloi i ddweud pa mor wych oedd ymweliad ein hyfforddwr gyda'r ysgol. Ges i gyfle i dreulio bach o amser 'da fe ar ôl ysgol ac mae wedi cal y fraint o flasu Joe's Ice Cream o'r Mwmbwls a stroll o gwmpas Bae Caswell!”
— Ysgol Gyfyn Gwyr
“Roedd GTL yng Nghymru yn brofiad y byddaf yn ei gofio am weddill fy mywyd. Roeddwn i wedi bod yn breuddwydio am ddysgu mwy am Gymru a’r Gymraeg, ond heb unrhyw lwybrau go iawn i wneud hynny o Boston, felly’r gallu i fynd i Gymru, gweithio gydag ysgol cyfrwng Cymraeg, a rhannu fy nghariad at STEM gyda myfyrwyr Cymraeg yn gwireddu breuddwyd! Rydw i mor ddiolchgar i MIT MISTI UK a Equal Education Partners am wneud y rhaglen hon yn gymaint o lwyddiant ac am fod mor gefnogol bob cam o’r ffordd.”
- Hyfforddwr Global Teaching Labs yng Nghymru
Cwestiynau Cyffredin
Pryd mae rhaglen MISTI Global Teaching Labs yng Nghymru 2026 n dechrau ac yn gorffen?
Mae rhaglen MISTI Global Teaching Labs yng Nghymru yn rhedeg trwy gydol mis Ionawr 2025. Y diwrnod cyntaf mewn ysgolion yw dydd Llun 5 Ionawr 2026, a’r diwrnod olaf mewn ysgolion yw dydd Mercher 28 Ionawr 2026.
Sut alla i gael fy ysgol neu goleg i gymryd rhan?
Cysylltwch â Equal Education Partners heddiw. Ffoniwch 01792 277686 neu 02920 697129, neu estynwch allan at un o aelodau ein tîm.
A oes rhaid ymrwymo am gyfnod penodol?
Na. Nid oes isafswm nac uchafswm o oriau y gall neu mae'n rhaid i ysgolion neu golegau gymryd rhan ynddynt. Fodd bynnag, bydd sesiynau'n cael eu hamserlennu ar sail dreigl er mwyn gwneud y defnydd gorau o'r adnodd unigryw hwn.
Pryd ddechreuodd rhaglen MISTI GTL Cymru?
Fe wnaethom gyflwyno'r rhaglen MISTI GTL Cymru gyntaf yn 2019. Ers hynny, mae'r fenter wedi cyrraedd dros 60,000 o fyfyrwyr.
A oes unrhyw gostau ynghlwm â chymryd rhan?
Ariennir rhaglen MISTI GTL yng Nghymru yn llawn gan Lywodraeth Cymru ac fe'i cyflwynir heb cost i ysgolion a cholegau. Bydd ysgolion ond yn ariannu'r adnoddau ychwanegol sydd eu hangen i gynnal gwersi a ddewiswyd.
Nid ydym wedi cymryd rhan o'r blaen. A allwn ni gymryd rhan yn 2026?
Gallwch, wrth gwrs. Rydym wedi ymrwymo i ehangu'r mynediad i'r cyfle hwn i fwy a mwy o ddisgyblion ar draws Cymru. Cysylltwch â ni i gymryd ran.